Çox asanlıqla sizin telefonunuza SMS və telefon danışıqlarını qeydiyyata alan, kordinatlarınızı verən xüsusi proqramlar yüklənə bilər. Hər k...
Çox asanlıqla sizin telefonunuza SMS və telefon danışıqlarını qeydiyyata alan, kordinatlarınızı verən xüsusi proqramlar yüklənə bilər.
Hər kəsi zaman-zaman belə bir sual düşündürür: Görəsən telefonum dinlənirmi? Görəsən kim mənim danışıqlarıma qulaq asır? Ümumiyyətlə bu necə ola bilər və kimə lazımdır? Belə sualdan sonra çox vaxt insanın gözünün qabağına yaxınlıqda furqonlu maşında oturaraq qulaqcıqda nəyi isə dinləyən şəxslər gəlir. Əslində bu yolla telefonu dinləmək mümkün deyil, çünki çox tez özünü biruzə verir. Bunu ancaq bəzi xüsusi xidmətlərdə telefon əlaqələri operatoru həyata keçirə bilər.
Bənzər Yazı: Cib Telefonu Necə Dinlənilir
Ancaq çox asanlıqla sizin telefonunuza SMS və telefon danışıqlarını qeydiyyata alan, kordinatlarınızı verən xüsusi proqramlar yüklənə bilər. Bunu Windows Mobile və Symbian bazasındakı aparatlara etmək daha asandır.
Bu cür casus proqramının Sizin telefonunuzda olduğunu öyrənmək isə praktiki olaraq mümkün deyil.
Lakin bəzi maraqlı məqamlar telefonunuzun «yoluxduğunun» sübutu ola bilər.
1. Telefonun batareyası tez-tez qızırsa
Telefonun akkumlyatoru ştat rejimində olarsa (dinlənmirsə) adətən danışıq vaxtı qızır. Yəni söhbət zamanı aktiv enerji itkisi baş verir ki, bu da onun qızması ilə nəticələnə bilər.
Ancaq bir neçə saat əl vurulmamasına baxmayaraq aparatı götürdükdə isti olduğunu görürsünüzsə, deməli telefon bir müddət nəyləsə məşğul olub. Sual çıxır, hansı işlə? Ola bilsin ki, o dinlənilmə üçün casus proqramında «işləyib».
2. Telefonun batareyası tez boşalırsa
Məlumdur ki, zamanla telefonun batareyası gücdən düşür və onun iş smüddəti getdikcə azalır. Bu təbiidir. Lakin bəzən olur ki, bir neçə gün ərzində batareya gözlə-görüləcək dərəcədə boşalır. Əgər telefonda Sizin fəaliyyətiniz dəyişməz qalıbsa, onda şübhələnməyə əsas var.
3. Yandırarkən gecikmə
Əgər telefonu söndürmək qeyri adi görünəcək qədər uzun vaxt alırsa, yandıranda isə qəribə qığılcım kimi işıqlanma görünürsə və bu telefon tamamilə işə düşdükdən sonra da müşahidə olunursa onda düşünməli məqamdı. Ən yaxşı halda telefonunuz xarab olmaq üzrədir, ən pis halda isə sizdə «juçok» peyda olub.
4. Qəribə fəaliyyət
Ola bilər ki, telefonunuz son günlərini yaşayır: öz-özünə yüklənir, ya da sönür, proqramlar quraşdırır, işə salır, əsaslanmamış şəkildə ekranın işıqlanması işə düşür. Bunun da iki izahı var: texniki problemlər və… dinlənilmə
5. Danışarkən yaranan küy, çıqqıltı, əks-səda və sair
Danışarkən hər zaman müəyyən maneələr yaranır. Lakin hər zaman, yerindən, məkanından asılı olmayaraq, istənilən abonetlə danışanda əks-səda, fışıltı, çıqqıltı və sair bu kimi səslər eşidirsinizsə, onda diqqətli olmaq lazımdır. Əlbəttə, bu cür əngəllər texniki problemlərdən də yarana bilər, məsələn, siqnal qəbul etmədə nəsə ola bilər, ancaq gərək səs dəyişilməz qalsın.
Telefon antenalarının digər elektromaqnit (əsasən də dinamikli və kolonkalı) qurğularına tuşlanması küy, uğultu ilə müşaiyət olunur. Belə səsləri danışıq vaxtı və yaxud da mobil telefonun baza stansiyasına periodik gözləmə rejimində olduqda eşitmək olar.
Lakin telefonla danışmadığın halda küy baş verərsə artıq şübhələnməyə əsas var. Bu, casus proqramının dinlənmə üçün işə düşməsi ola bilər.
Mənbə: http://faktxeber.com